機場交通篇

俾著以前如果一家四口去旅行,好多時如果唔係book車就係去到當地call架UberXL算,但今次一行八人,啲行李仲要多到點嚟點去好驚點漏,根本無可能咁做。

廣告

同埋而家疫情關係,Uber 同其他同類型嘅出租車都唔俾坐司機隔離個位,所以我哋一家四口出街都唔可以用UberX,一定要俾多50%去坐UberXL。另外都唔好以為UberXL好大架呀,如果嚟架普通七人車,最常見係Vauxhall/Volkswagan,其實後排一開咗個位係7都擺唔到!所以大家到埗前一定要安排好機場去住所嘅交通呀!

我哋就用咗Mozio,book咗兩架Benz Van (大概一千蚊一架) 分4人一架再各帶一半行李咁去Apartment度集合,佢有得揀幾點去Arrival hall度接你,有60分鐘嘅免費等候時間,但因為前文提過我哋都搞咗幾耐先過到關,仲要遇著個司機係啲吟吟沉沉印度大叔,係咁打嚟催又話自己四點幾到咗喺度等,又話要加錢又話要走 (我哋book 6:30,其實搞掂晒出到去都係7:35左右,亦都同佢公司講咗萬一超時要加錢就加啦),見到我哋又話太多大luggage (我哋book時都註明咗係咁多件,最多多咗架BB車同一袋紅白藍),喺度影我哋相話要打上去同公司講,最後又死死地氣話無問題,就叫我哋跟佢去停車場度攞車,另外4人就仲搵緊第二個司機。

廣告

去到停車場佢就叫我哋睇住個收費,話因為我哋遲咗就要俾多出嘅停車場收費,然之後就要我哋等佢駛架車過嚟,架車到咗佢見我一個人搬啲行李都有叫我慢慢同埋佢會幫手,見到佢搬嚟搬去疊嚟疊去終於都砌好晒可以開車出發,呢個時候先見到另外四個人同第二個司機到。

上到架車其實大人細路都攰到瞓咗陣,車程都成個鐘先到我哋要暫時落腳嘅Apartment,沿途見到晨早嘅英國都仲係有種唔係好真實嘅感覺 (可能因為好好天又有太陽),到達後落晒行李阿師傅竟然問我滿唔滿意佢服務,叫我俾好嘅review佢……不過見佢有幫手搬下行李又砌得咁辛苦,都hea咗佢就算喇。

廣告

第二架車都遲咗幾多下先到因為個司機兜錯路,但都因為佢司機遲咗到機場,所以佢哋唔駛俾任何附加費。

之後發現咗英國都有類似Call4van (咪7再用Gxgxvxn喇)嘅服務,叫anyvan,都係預早約定時間(越早約定越平)同埋講自己有乜嘢要搬,如果怕handle唔到佢都有得加錢幫你搬埋,我哋試過由A Apartment搬去B Apartment時用都幾好態度,無加錢都主動埋嚟幫手搬,價錢包埋一個人跟車到目的地,我見佢都有得揀由Heathrow出發,咁就可以一個人同行李去到目的地再看住啲行李等其他人嚟幫手,仲俾我發現佢有得用topcashback回返8.5%,大家如果有需要都可以Quote嚟睇下。

廣告

Mozio網址:

https://www.mozio.com/en-us/

Anyvan網址:

https://www.anyvan.com/partners/affiliates-instant-pricing

Topcashback網址:

https://www.topcashback.co.uk/anyvan/

如果大家未開過topcashback uk戶口都歡迎用我嘅referral link:

https://www.topcashback.co.uk/ref/humgagouk

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

廣告

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(籌備中,太太主場) : https://www.instagram.com/humgagouk/

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: