住落先知,Serviced apartment番外篇

其實一開波住Serviced Apartment都有啲好處,一嚟你可以大概知道英國本地啲apartment同我哋香港勞碌大半生儲埋買返嚟層樓(個單位)有乜分別,好多時會忽然叮一聲「吖,第時間屋可以點點點喎」講多少少住落Serviced apartment覺得值得同大家分享嘅地方/感受/建議俾大家參考下 (持續更新中) :

廣告
  • 貴,如果你用月租樓嘅心態去睇條數,會覺得Serviced apartment都幾貴(平均1,100-1,300一晚),即係一個月圍落成33,000一個2房apartment。但其實諗返佢無收Deposit (月租樓要俾相等於5個星期租金嘅Deposit),唔駛交council tax,包水電上網,有齊基本傢俬廚具餐具,有啲乜問題佢又要即刻派人嚟維修,真正一拖喼入去就住得。就算俾你咁好彩搵到業主肯隔空租間屋俾你,如果唔係all bills inclusive同furnished,你都要親身嚟到搞好水電上網傢俬電器同最重要張床先可以正式住入去。
  • 無地址證明,初嚟報到,好需要盡快有張住址證明,但住Serviced apartment就無辦法做到,當然你都可以試下用呢個地址嚟申請其他嘢,如果係收到信嘅話或者都可以當地址證明用住先。
廣告
  • 住嘅樓層,香港人其實都住慣apartment,理論上問題不大,但我哋今次首先住嗰間apartment係喺地下,窗外就係停車場,間唔中會有人行嚟行去,有時仲有人喺窗外吹水,都幾困擾下。第二間住嘅Apartment就喺三樓,個問題係Book咗先知無𨋢……大家戴住口罩合力抬嗰啲喼上到去真係無咗半條人命……
  • 搞清潔,而家疫情其實我哋都幾重視想搞好間Apartment嘅清潔,盡量都用消毒用品抹好啲細路有機會掂到摸到嘅地方,又希望拖乾淨笪地俾佢哋玩,但英國啲屋好多時候個睡房甚至廳都係用地氈,淨係可以吸下塵,無乜辦法徹底清潔好去住得安安樂樂……

另外有啲Serviced apartment都會有包清潔服務嘅,但住落咗日日都有清潔嘅話其實都未必想有個三唔識七嘅人踩入嚟搞清潔。

廣告

(如果有興趣交流,搞清潔遲啲又可以開篇新嘅講下,但可能要由老婆視覺去分享,始終佢係清潔總指揮。)

  • 無勾無勾無勾,喺香港住慣相信大家都會有唔少勾黐喺浴室/廚房掛下啲毛巾手巾衫褲咁,嚟到呢度就發覺佢哋浴室得個毛巾架暖住啲毛巾,除咗件衫想搵地方掛一掛起都無好唔就手,如果有帶啲/買到一啲黐咗可以無痕/帶得走將來間屋用嘅都係一個唔錯解決方法。
  • 鞋揪/矮櫈for出門口時著鞋用,始終我哋有老有嫩,同埋嚟到呢個出門口就要著晒大褸嘅地方,每次出門著鞋都好困難同搞好耐,要趷低整好對鞋再起身對膝頭哥唔太好嘅中老年人事都不太好受,所以都可以按自己需要加設,第時都可以帶去將來嘅屋企度用。
  • 門口整個掛大褸嘅架,承上,其實呢度出門一定要著大褸返到嚟有暖氣加上外面疫情都唔想帶大褸入屋,最好就有個架在門口,一入屋就除褸掛起,臨出門又可以喺嗰度一拎起就著,亦可以帶去第時嘅屋企用番。
廣告

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(籌備中,太太主場) : https://www.instagram.com/humgagouk/

對「住落先知,Serviced apartment番外篇」的一則回應

Add yours

  1. 恭喜你們一家三口排除萬難到步, 我們計劃緊但太多財務問題 (tax, insurance) 要預先處理 , 有精神壓力

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: