耳順之年,長輩分享篇二章

多謝各位對我哋張長輩圖嘅愛戴(錯重點),你哋嘅鼓勵同正面評價令到我哋好快決定再出多張長輩圖(又錯重點),事不宜遲,先送上媽媽嘅分享:

廣告

其實在這一年的過程當中,辛酸真的不為人道,直到現在挫折也不少,但永遠都要在從中學習(真係好似我女婿講咁永遠都喺度準備,但係永遠都冇準備好,好多甩漏)過去年幾無論社會嘅動盪,疫情,等待移民批核,賣樓,賣車,裝櫃、因沒經驗而生的錯誤估計等等⋯⋯如果冇神,死咗幾次。

由最初好似女婿講嘅徹夜難眠,心痛,真係冇一日好過過。到決定移民後其實也不是好過的,決定後我都問過我女婿,你有冇覺得咁樣走好冇義氣?但其實大家心裡都明白此地不宜久留,雖是萬般不捨,特別是有小朋友的人,於是我們就開始勇往直前,走這條暫時不能回頭的路。

廣告

在這件事中真係看到什麼是人心比萬物都詭詐,好難想像人可以去到如斯地步。

等待嘅過程當中真係好辛苦,明知好多嘢要做,但係都唔可以立即話做就做,只能坐著乾急,做所有事時間都要夾得好好。例如裝箱、賣樓之類⋯⋯如果早早賣咗樓,我哋咁大棚人住去邊?點安排?又搬多次?又要洗一筆錢,工人姐姐點,千頭萬緒,真係人都顛。但如果唔早啲放又驚走咗都未賣,又麻煩到人,又驚樓市下滑,在經濟方面又冇咁放心(現在兩間Apartment要七萬幾八萬蚊一個月)但我都不顧一切,搬多次就搬多次啦,決定移民幾個月後我就開始放盤,不久疫症又殺到,在這其中只有不到十個人睇樓,離走的時間越來越近,放了差不多七,八個月,還未賣出,心裡非常焦急,每日能做的是懇切禱告。誰不知到七月最後一天有agent 說了一個價錢問我可不可以接受,我說可以,她就帶齊文件來簽約,新業主連睇都未睇過間屋,就這樣就先賣掉一間,心也放下了一半,另一間就沒那麼急,因為知道急也沒用,唯非常感恩地在臨走前一個月亦順利將另一間也賣掉了,神是聽禱告的神。感謝主🙏🏼

廣告

在這段日子,對前面(到了英國的一切)都仲係未知之數,我都不敢也無力想,只拼命先搞好香港要做的事。唯一能做的是訂了機票和book 定Apartment。 在這裹提提:賣樓的事被我妹妹言中,她曾安慰我說:「你不用擔心,你臨走前一定已經萬事妥當,你這一家一生運氣最好。👍🏼」(當然有信心嘅禱告🙏🏼最重要)(這個智慧的女人不能忽略,她是我們的幕後策劃、幫助、鼓勵、和安慰我們的重要人物,沒有她我們根本不敢發動移民計劃,沒有她我們也不能走得那麼無後顧之憂,有她我們走少了許多寃枉路。我們走後,她一直到現在還在替我們打點香港的一切一切。感謝主!感謝媽媽生了這個妹妹給我,惠及我及家人🤣🤣)果然在臨走前的兩個月內,將兩層樓順利賣出,時間啱啱好。除多謝她的鼓勵和幫助,當然感謝主🙏🏼。之後有朋友知道我們要走,話有朋友想買車給太太,介紹咗我哋架車,也是只看過相片就確認購買並在上機之前做埋交收,順利到親友們都直呼簡直是神跡,更感受到即使我們多著急或是去蓄意安排也沒用,唯上帝真的早有預備,神的恩典真夠用,祂在我們軟弱時彰顯他的能力,🙏🏼感謝主!

#LOTR

#BNOVISA

#三代同堂

#闔家去英國

#HumgagoUK

#老而不廢發揮銀髮族精神

廣告

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(籌備中,太太主場) : https://www.instagram.com/humgagouk/

對「耳順之年,長輩分享篇二章」的一則回應

Add yours

  1. Hello Auntie : 您好 !
    最近發現你哋一家既FB page , 宜家努力睇緊 🙂
    因為我今年一月時因武肺令公司生意大跌, 被公司裁員了 , 跟住搵工又唔順利, 所以諗諗吓不如走人吧 (其實2019年已計劃, 但都係只做資料搜集, 未有執行, 既然而家都搵唔到工, 可能是上天的安排, 所以不如開始實行)

    你呢句講得好啱 : 如果早早賣咗樓,我哋住去邊?
    我正正是因為咁, 所以仲未賣樓 . 我希望能好似你一家咁樣, 最终能順利賣出 .
    想問問你地係咪搬出去住 (Apartment) , 之後先放盤 ?
    由於我資金有限, 所以唔可以搬出去 . 要一邊住一邊放盤 .

    另外裝箱方面, 請問用邊間公司 ?
    因為資料搜集後, 諗住用 7海 , 但呢間都唔平 .
    另外有網友用過一間知名道不高的運輸, 價錢相宜, 但服務不好 (唔見一箱)
    所以想睇吓你地用邊間 ?

    1. 版主代答:

      我哋邊住邊賣,感謝主喺離港前賣晒物業,交吉期亦配合得啱啱好可以放心嚟英國。始終賣樓好難強求夾得啱啱好,只好邊賣邊睇情況吧。

      物流公司我哋都未收到貨,唔知英國呢邊服務點,等我哋親身試過先再介紹。
      建議你可以搵兩三間報價比較下,除咗價錢都要睇跟你張單個人盡唔盡責任。

      加油呀!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: