搵屋篇二章

經過咗初嘗英國睇樓嘅體驗後,返到去我哋都漁翁撒網式咁上啲英國主要嘅地產網站搵心儀地區嘅租盤,地產網站太多人介紹過,其實都離不開:

廣告

https://www.zoopla.co.uk/

https://www.rightmove.co.uk/

https://www.onthemarket.com/

https://www.purplebricks.co.uk/

https://www.openrent.co.uk/ (直接同業主deal)

廣告

另外仲有:

https://www.spareroom.co.uk/ 就係同人分租嘅,我哋就唔太啱所以無用過,但有需要都可以睇下。

基本上個Email都係好似上一篇咁嘅內容倒模式咁出街,其實呢度啲地產有啲都覆得幾快,試過一send咗個Email無耐電話就響。

所以記得嚟之前去買定有英國number嘅電話卡,有黃店咖,唔得閒落舖頭仲可以去Whatsapp落order寄上門,黃店資料:

https://www.facebook.com/kyriashop/
廣告
發覺有啲都未必真係有睇晒我寫乜,基本上first call佢哋都係會問你:
  • 諗住住幾多人?
  • 最快幾時move-in?
  • 做盛行? Annual Income大概幾多? (呢個問題基本上都係照直答佢我哋初嚟報到,未有工,不過如果需要我哋能夠俾半年至一年租先)

答完如果無問題就會約睇樓,都試過有啲問完之後會Turn down我哋,主要都係人數問題,試過有呢啲原因:

  • 2房唔預你住4個大人/2個大人2個細路
  • 3房唔預你住4個大人2個細路
  • 4房唔預你住8個人/6個人
  • 屋主只想要一個細路
廣告

經過一輪瘋狂電郵電話溝通,總共約到3個盤在同一日睇:

先約到間4房嘅Town house睇下,第一次睇house同問咗屋主無馬上turn down我哋8個人,如果可以夠我哋住晒入去再喺呢段時間搵屋,應該係最慳錢去應付呢一年過渡期嘅方法,所以當中有啲成員都對呢度幾大期望。

第二個盤就係透過Openrent直接約到業主,在我哋心儀校網嘅區內,所以呢間主要都係我哋有細路呢家人去睇。

第三個就係在地產舖度攞咗卡片,叫我哋Send email俾佢講低我哋想搵乜樓,好快就打返嚟仲話有個盤好啱我哋,未正式on the market,但因為同第二個盤撞咗時間,我哋就要兵分兩路去睇。

廣告

第一個盤係一個移咗民嚟英國嘅鄰國家庭住緊,我諗係佢啲細路由細住到大,所以好多小朋友嘅雜物同埋啲廚房廁所都較舊,雖然三層四房同有花園,但成間屋內部都好屈質好逼咁,最吸引反而係間屋對住個好大嘅Park,啲細路見到就好興奮跑嚟跑去,成個社區嘅感覺都幾好但間屋真係無乜令人想9衝去租嘅感覺。

廣告

之後就行返出巿中心食個Lunch就開始下一個行程,兵分兩路咁去睇,有細路一家就去睇4房排屋,搭Uber去到門口就meet個屋主,佢就帶我哋入去,因為其實仲有人住緊喺入面,都幾打攪人,尤其是而家肺炎,要咁俾陌生人入屋,佢哋唯一有做都係提我哋戴口罩,同埋入屋要除鞋,咁屋主就show我哋睇間屋,其實佢話4 bedrooms但好多時都唔係真係住到咁多人,好多時有一兩間房都係好細,最多做小朋友bedrooms/玩具房,但大人無乜辦法瞓到入去,間屋又唔算好差但陰陰沈沈咁,所以我哋都無租,到晚上就收到屋主message話佢已經接受咗其他人offer,仲祝我哋好運搵到想搵嘅屋。

廣告

另一隊人就約咗地產睇一幢new build apartments,仲有齊一/兩/三房單位俾我哋睇,有齊全新廚房、洗碗碟機、雪櫃同浴室,睇咗都好滿意,又可以住埋喺格離個單位,價錢亦平我哋前一日睇嘅有晒傢俬apartment一截,不過就要自己去添置傢俬同床,加£50又有車位(原本話包埋仲叫我哋揀定想要邊個位,但跟住又話要加錢),同埋佢新到仲未搞掂晒水電,要過多兩三個禮拜先入到伙,基本上睇完嘅小隊都好滿意決定咗要租頂層(其實都係3樓)嘅2個相連兩房單位,亦即刻跟地產到office見佢上司。

戲劇性嘅事就發生喇,喺佢哋由Apartment 行上去嘅大概20分鐘路程入面想要嘅其中一個單位已經無咗,想要嘅座向都話無晒(因為一邊對住大街應該幾嘈雜下,另一邊後街對返民居較好),本來一鼓作氣嚟租樓,變咗要考慮好多嘢,租唔租向住大街、分開2層租唔租、1間2房加1間1房又租唔租,跟住個地產都唔想再同我哋糾纏咁(因為係星期六同搞到已經四五點),就口頭上話你哋都已經係今日最後一台客,佢哋都就閂門唔接受offer,聽日星期日又唔開,好似講到hold住俾我哋返去慢慢考慮咁,叫我哋星期一一早再過嚟確認租邊間。

廣告

就係咁開始睇樓嘅第二日好似見到租到屋嘅曙光,雖然無咗最啱心水嘅單位,但都可以住到埋一齊。但……係咪真係咁順利呢?

#LOTR

#BNOVISA

#三代同堂

#闔家去英國

#HumgagoUK

對「搵屋篇二章」的一則回應

Add yours

    1. 小朋友是否不同性別? 如果唔同性別好似11歲後一定要分房,另外有啲業主係會比政府要求嘅更嚴格,所以都要睇下你個業主點睇。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: