搵學校篇

4,000 Likes達成,多謝大家支持。

廣告

前日收到學校通知有學位,亦同時收到大家嘅祝福,再一次多謝各位。

相信搵學校都係各位移民前其中一點最關注嘅地方,始終要去到一個新地方,各位家長一定好希望儘快安排小朋友插班,融入社區,接受英國教育,學習愛國而不是爱国。

廣告

因為我哋主要希望個仔嚟到英國可以入返天主教學校,所以嚟之前就作出咗以下嘅預備:

  1. 領洗紙
  2. 學校嘅推薦信
  3. 神父嘅推薦信

網上亦有好多教學有關點搵心儀學校,其實都主要用呢啲方法去縮細範圍:

廣告
  • https://www.locrating.com/睇下落腳點嘅地方附近有乜學校,睇下評級、宗教、男女比例、學校規模大小、有幾多學生英文非第一語言等等。免費版本就只睇到舊兩三年嘅資料,如果俾錢版就可以睇埋最近呢年有冇over-subscribed、家長Comments等等。
  • 亦可以上https://www.gov.uk/school-performance-tables 用個post code搵下附近嘅學校嚟做下比較,呢個網都幾方便可以睇到唔同學校學術性上嘅分別。
  • Shortlist一啲心儀學校上Council個網check仲有冇學位(In-year Admission -> Vacancy Checker),如果大家都係插班的話都可以睇定in-year admission有冇乜特別要求。
  • 最後都要上間學校個Website睇下佢對於插班有冇特別要求。
廣告

就住我哋自身嘅情況,其實我哋好早(七、八月時)就鎖定咗一間天主教(最重要)嘅小學(但又咁啱Ofsted Rating係 Outstanding),亦喺云云咁多學校入面去到九月開學,竟然顯示仲有學位,我哋一到埗未租到屋就先Send咗個Email去學校講明我哋嘅情況同埋附上我哋上面提及預備咗嘅三份文件。

而學校亦好快覆咗(3日)我哋,主要係叫我哋填返份正式表格同埋都要同Council方面報名,因為我哋當時未有正式租到屋,主要我哋都係先填好表格俾佢,同佢講我哋有正式地址會再通知佢。我哋其實亦有提出會唔會可以帶埋小朋友嚟學校見下面,但基於武肺佢都幾斬釘截鐵拒絕咗。

然之後亦撞正本地學校嘅Term Break,前後有近乎三個星期都係無進度嘅。

 到我哋有正式租約喇,我哋業主亦好幫忙馬上通知Council有關我哋嘅資料同埋幫忙追Council儘快出Council Tax Bill俾我哋,咁我哋就可以正式同Council school admission 聯絡同埋交以下文件:

廣告
  1. 填好嘅in-year admission application form,佢當中有一部份係要個仔之前讀間學校嘅Head Teacher填嘅,咁我哋就用香港嘅學校推薦信代替。
  2. 個仔嘅出世紙
  3. 個仔嘅Passport連LOTR嗰頁
  4. 我哋兩公婆嘅Passport連LOTR嗰頁
  5. 領洗紙
  6. 租約
  7. 我哋心儀學校嗰份額外表格同神父嘅推薦信

Council都好快覆返我哋收到我哋嘅申請(星期四Send過去,星期一覆我哋收到),咁我哋就再聯絡返之前心儀學校方面我哋已經完成咗Council嘅登記,兩日後就終於收到期待已久學校通知我哋有學位Offer俾我哋個仔喇!

廣告

今日同學校再跟進,希望盡快買好校服,可以下星期中/再下星期一就正式返學喇!

再提一提大家,以上提及過嘅所有文件都最好有Proper嘅Scan版本(唔係求9其影張相),所以最好可以在香港先Scan定,如果無Scanner其實電話都有好多App可以做到Scan嘅效果,同埋呢啲申請學校嘅文件我哋都係將佢同申請LOTR甚至之後BNO Visa文件一視同仁咁整理放好,嚟到已經成日打仗咁如果仲要喺啲喼/你電話/電腦嘅Folder入面摷真係會好辛苦,記得襯喺香港有時間就整理好。

廣告

嚟到之後其實都幾多機會要填表,所以都強烈建議大家要有電腦跟身(不過我相信移民嘅話大家點都會帶埋部電腦飛吧),基本上而家包括政府機構、學校、甚至租樓嘅地產/業主都接受e-signature,所有嘢都可以用電腦填表搞掂唔駛真係搵Printer print出嚟填再簽名。

最後,我哋亦唔鼓吹大家盲目追捧Outstanding學校,相信好多家長決定移民最主要嘅初心應該係帶小朋友離開香港嘅黐撚線教育制度黐撚線學習壓力黐撚線洗腦教育,嚟一個可以自由自主學習正確歷史同價值觀嘅地方(兼順便習成一口純正蕭叔叔英語),請唔好俾太大壓力自己同小朋友去追求名牌,只要自己做好準備,或者真係上帝早已預備。

廣告

#LOTR

#BNOVISA

#三代同堂

#闔家去英國

#HumgagoUK

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(試業中,太太主場) : https://www.instagram.com/humgagouk/

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: