LOTR Update篇

話說今日一早有多兩位親人都嚟咗英國加入我哋嘅行列，佢哋亦都成功取得LOTR x 2，等我哋更新一下最新嘅LOTR實況。

俾少少背景先:

八九十後年輕夫妻，兩位都有BNO Status嘅，一個就已經renew咗帶埋本新嘅喺身入境，另外一位就無Renew，帶住特區護照同舊BNO一齊過關。

早上五點搭國泰到英國，可能因為已經過咗開學旺季，亦有機會由於英國已經進入Lockdown，佢哋班機好鬆動，班機得3分1至一半人坐，會安排隔行隔位咁坐，飛機餐方面佢哋有個策略幾好，就係預先叫定特別餐，咁就可以早過其他人開始食同食完。

落機之後佢哋都係都係採取慢慢整理好先去Immigration過關嘅策略，佢哋話佢哋應該都差不多係同機最後幾個去到排隊，佢話去到排隊基本上條龍都已經消化晒咁劑，直接行到埋去就埋得Counter。

埋到Counter就同Immigration職員提出希望申請LOTR，職員就話佢無清單喺身，要佢哋等一陣佢入Office print，呢度等咗大概10分鐘，之後佢就帶住張清單出嚟Show一Show，再逐樣同佢哋對，基本上個職員嘅態度可以用三個字嚟總結：H。E。A。

主要對咗同影印咗：

另外，佢哋有主動問要唔要保險證明但個職員話唔駛睇。

問題主要都係問邊度嚟？邊班機？嚟到英國會住邊？呢啲咁行嘅問題。

最後成個過程總共用咗大概25-30分鐘就搞掂，成功取得LOTR x 2。

另外都提一提見到有啲人特別等得耐因為佢哋無上網填好入境表，記得進入英國境前要填好：

隨住處理嘅個案越嚟越多應該流程越嚟越簡單同順暢，希望我哋嘅經驗幫到之後嚟嘅各位。

歡迎轉載或Share，請註明出處，如果覺得有用請Like & Comment，有問題亦歡迎inbox發問，但因為太陽出嚟嘅時間好多時要湊細路兼初到埗都好多嘢要做，如果覆得慢請見諒。

Blog(會多啲延伸分享) : https://humgagouk.com/

Instagram(試業中，太太主場) : https://www.instagram.com/humgagouk/