插班同正常報入學篇

收到好多關於入學同插班嘅疑問,呢度都等我歸納下啲問題同希望可以幫大家了解多啲個過程。

廣告

插班:

地址相對上唔係咁重要,成件事其實最重要係你要有個地址(租/買)報上Council登記in-year admission,當中你要填你心儀嘅幾間學校,然之後就取決於你所揀嘅學校有冇位收錄 貴子弟喇。

我哋揀咗嘅天主教學校就除咗呢個正常Council報入學程序外仲要填一張Supplementary Info Form關於你嘅信仰同埋你所去嘅Church嘅神父推薦,係要直接交俾心儀學校嘅,所以我哋先直接聯繫學校,有一間就覆咗我哋暫時無學位先放在Waiting List,另外而家個仔讀緊嘅就係覆我哋有位(早過Council 兩日通知我哋),跟住兩日後Council先Send email嚟話佢哋收到通知我哋揀嘅學校入面已經有學校會offer學位俾我哋,問我哋接唔接受,而佢哋亦都唔會再Proceed我哋申請因為其他學校都係我哋嘅Lower preference,就係咁我哋成功取得插班Offer喇。

廣告

之後嘅手續可以話係無手續,學校只係Send咗校服嘅資料俾我哋,一般佢哋都有間指定供應商,可以經網上買到同送上門嘅,啲校服/外套就會有校章,不過就貴啲,同埋要成10個Working days 先會送到,前文都有提過,我哋係星期五Confirm星期一就可以返學,所以都無辦法可以用網上供應商買,另一選擇就係可以去連鎖超巿買無校章嘅校服,基本上各大品牌都有得買,例如香港人都好熟悉嘅馬莎、仲有Asda、Sainabury’s、Morrison’s等等都會有,其實都係啲基本嘅恤衫、西褲、運動服、外套同鞋、佢哋主要都係指定顏色,所以只要有Size分分鐘去一趟超巿都可以買齊。

到正式番學嗰日,就著齊校服直接去校門,學校都安排咗我哋遲啲先到(正常8:25AM但我哋第一日就9AM),先喺校門口等我哋同班主任同Head Teacher見面,由班主任接個小朋友再帶佢一齊入課室,同Head Teacher簡單傾幾句,佢亦好好話可以安排我哋兩公婆同小朋友放學後帶我哋去遊覽一次個校園,放學時見到個仔好興奮咁帶住我哋去佢班房介紹自己掛褸個位、坐個位、攞住啲書睇到唔肯走,忘形咁喺Playground度奔跑只係換嚟老師一句”It’s okay.” 都令我哋覺得一切都係值得嘅。

呢程參觀學校之旅仲有多個目的,因為我哋妹妹將會喺出年滿三歲,到時就可以入讀Nursery,所以都想透過呢次等妹妹都睇下間學校,同埋同老師傾下入學嘅手續,因為Nursery係直接同學校申請唔駛經Council的,而英國嘅Nursery如果有位的話你可以唔駛等九月先入學,只要小朋友滿三歲可以在中途入學,好似我哋妹妹為例,佢二月滿三歲,如果有學位的話最快可以四月Summer Term開學時插班,不過而家呢間學校就話暫時都Full咗只可排Waiting List,而九月的話因為哥哥已經呢度嘅學生,妹妹要入學的話應該無問題。

廣告

至於正常入學申請,我哋亦都啱啱經歷咗,事緣哥哥呢間學校係分咗infant School (Reception至Year 2)同Junior School(Year 3至Year 6)的,我哋初初睇資料仲好驚今年讀完Year 2要再經Council抽過先入到去(因為經Council的話要睇居住距離,而我哋而家住嗰度同學校係有一段距離的),好擔心未必入得返,到時如果妹妹同哥哥分開學校咪好麻煩,感恩有呢個由Head Teacher offer嘅放學後Tour我哋可以問清楚老師,只要我哋報Council時只填佢哋間Junior School,佢哋內部都會自動留位俾我哋,放下心頭大石,亦都代表佢哋兩個未來幾年嘅學校都定落嚟。

相信嚟緊都好多家長會帶小朋友嚟英國,都要留意返報學校嘅Timeline。

  • Nursery(非必讀):兩歲時可以同學校申請,三歲時入學
  • Primary School (Reception):如果9月時小朋友將會滿四歲就可以在嗰年嘅一月底前申請入學, 例如小朋友2021年9月時已滿四歲,咁你就需要在2021年1月底前網上申請入讀小學Reception班,即係話你要在2021年1月前有地址並在Council登記好,咁你就可以透過網上系統為小朋友報學校。
  • Junior School (Year 3):如果你想報讀嘅學校都係有分infant school同Junior School,而你到達英國嘅9月時小朋友將會滿7歲,咁你都係需要在嗰年嘅1月底前透過網上系統報名申請。
  • Secondary School (Year 7):始終同我哋有啲距離,未係好深入研究,但喺網上系統都見到個截止報名日期會係早一年嘅十月底,即係2021年9月要入讀Year 7而又希望透過網上系統報名的話,已經過咗截止日期。
廣告

有關嘅資訊大家其實都可以在以下英國嘅eadmission網址見到:

https://www.eadmissions.org.uk/

如果真係Miss咗/未能喺呢啲日期前準備好,我諗就要經返你個Council去作出in-year admission嘅安排。始終住址未必可以一時三刻安排到,亦唔好太心急因為想有住址報學校而好魯莽咁租/買樓,始終住呢方面對一家人嚟講都係好重要嘅一環,建議大家都應該親身睇下個地方先去做決定。

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(試業中,太太主場) : https://www.instagram.com/humgagouk/

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: