家長教師日篇

返咗三個幾星期學就有第一個parent teacher meeting,本來仲好擔心星期五咁凍仲有機會落雪,要晨早摷醒佢再揸車返學好痛苦,點知呢度都興第二日做埋類似教師發展日咁嘅嘢,等啲小朋友可以有個4日Long weekend,最重要係呢排瞓又瞓得少,又轉凍,打壞80後兩公婆有啲作感冒,感謝主等我哋可以有個補眠週末去充下電。

唔洗返學,哥哥講咗幾日好想食蝦餃,咁啱遇著Unlock,所以廿四孝公公婆婆就即刻帶咗佢去飲茶喇,亦等我哋打壞80後兩公婆可以休息下瞓多啲。

廣告

爸爸媽媽原本傻傻吓以為見家長小朋友唔洗出席,係仔仔琴晚自己提出「爸爸媽媽,如果我出咗去飲茶,我點聽老師講野呀?老師話我要出席,聽吓佢讚我上堂做得有幾好架!」爸爸媽媽由細接受香港教育,家長日小朋友緊係唔洗出席,然後喺屋企勁緊張會俾老師點樣數落……

睇一睇個Email果然有寫明希望小朋友可以一齊出席,因為疫情所以全程透過Google Meet去完成,夠鐘就Click入條link度等見老師,呢度嘅老師真係好supportive,例如佢讚揚佢做功課做得好用心,又準時交,媽媽就自然講句thank you,點知老師就話「應該我哋多謝你呀!睇得出你哋出咗好多力!」

廣告

成個Meeting首先就係問下我哋有冇乜問題想問咗佢哋先,跟住就會同我哋講下佢課堂表現,例如踩吓佢上堂唔夠專心,又鍾意傾計,希望佢改吓,但同時又會幫佢兜,話佢應該係因為唔熟啲嘢又聽唔明哂,所以分心姐,對佢嚟講已經好難架啦,睇得出佢好盡力,亦都俾咗啲目標我哋係希望個仔今年入面可以達成,老師不斷重複叫我哋唔駛擔心佢跟唔上,講好多鼓勵嘅說話叫我哋俾啲時間佢適應,話下次嘅家長日已經唔會再係講關於佢適應嘅問題,另外因為個仔其實全程都喺度,不時亂入同老師打招呼同埋show下啲玩具,老師都好有耐性等佢講下嘢同埋同佢傾下計,真係好感恩入到呢間學校同埋遇上呢度嘅老師。

廣告

#LOTR

#BNOVISA

#三代同堂

#闔家去英國

#HumgagoUK

廣告

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(試業中,太太主場) : https://www.instagram.com/humgagouk/

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: