當聖誕假遇上Tier 4篇

個仔開始咗聖誕假,而我哋住嘅地區都進入咗Tier 4,意味住父母要有好多同仔女困獸鬥嘅時間,放假前爸爸已經買定個足球希望一好天就可以出花園放電,暫時進行咗一日。

廣告

Tier 4後都收到好多朋友問候我哋生活有冇大影響,其實對我哋最主要嘅節目 – 行超巿其實無影響,係因為臨近聖誕,有啲超巿都會喺25號休息,本地人應該都習慣會喺呢個星期購置比較多嘅糧食喺屋企,所以有啲貨架係會比較吉,但又未至於話啲食物/廁紙被搶購一空,我哋亦都買到準備聖誕大餐嘅食材。

廣告

話說呢個星期我哋又要重拾返其中一個幾令人疲於奔命嘅活動 – 睇樓,原本同大家講我哋分別向兩間好近嘅屋出價,亦成功被業主接受,但當我哋以為一切進行緊時,收到其中最原本想買嗰間個業主仲未搵到屋搬走,亦好似唔急住搵屋咁,再三同地產交涉都無任何正面回覆,所以過咗幾個星期都無任何進展,而另一間其實一切已經準確就緒,賣家亦希望我哋盡快開始交易程序,但我哋對第二間嘅出價其實99%都係基於諗住第一間可以買得成,喺咁唔明朗嘅情況下,亦唔想拖住第二間嘅業主,因為佢都想趕Stamp Duty Holiday同埋聲稱有第二個買家願意買,我哋最後決定放棄咗第二間,而第一間就Keep住等佢Update先,但同時我哋都開始再搵樓嘅路,希望神會安排更優質嘅屋出現喺我哋面前。

廣告

另外大家將來如果住House都會要面對嘅問題 – 掉垃圾,自從搬咗入House之後其中一樣最需要學習嘅就係點掉垃圾,香港相信大部份人嘅習慣都係將啲垃圾一鳩掉晒入一袋再拎出垃圾房掉,近年最多環保意識高咗就拎啲樽同紙去回收,嚟到英國就要將垃圾分好類先可以掉,一般有四種:廚餘(好撚臭)、一般垃圾(一般臭)、可回收嘅膠(包括食物包裝、膠樽)、鐵罐、玻璃樽、飲品紙盒(全部要沖一沖佢,唔係又係好臭)同埋可以回收嘅紙、紙皮箱(最唔臭,但好阻掟),有啲地區亦都會有Garden Waste要處理,而呢度收垃圾亦唔會好密,有個時間表要跟住去處理,我哋住入嚟後要學習處理分類呢啲垃圾,又要記住每一種垃圾要喺邊一日拎出路口等人嚟收,我哋其中一個噩夢就係Miss咗收垃圾嘅時間,咁就分分鐘要擺住啲垃圾喺屋企等兩個星期(聖誕新年假有機會仲長咗!)。

廣告

之前因為會送個仔返學而佢又一般接近中午先嚟收,我哋都可以晨早將啲垃圾推出去等人嚟收,點知今個星期唔駛送仔返學就奶嘢,忽然之間俾出面嘈雜嘅拉車聲嘈醒,望下個鐘先九點,但可能無人返學佢車程順咗好多,當我哋彈起身衝到落樓揪住啲垃圾衝出路口時,已經目送架垃圾車走,又唔想要攬住啲垃圾返去等特長嘅時間,就唯有搵Recycling Centre車咗啲可回收垃圾出去,同太太合力處理好,以後都係乖乖早一晚推晒啲垃圾出去算了……

廣告

前路好似尚未明朗,但感恩呢三個月嘅英國生活總算有著平安嘅腳步,有失望有挫折,跌跌撞撞下亦有所得著同成長,所有嘢亦靠住一家人去互相扶持協助總算漸漸安頓落嚟,希望透過我哋嘅經驗可以幫到後來者去面對各種嘅不確定性同埋未知之數,走少啲冤枉路。

廣告

#LOTR

#BNOVISA

#三代同堂

#闔家去英國

#HumgagoUK

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

廣告

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(試業中,太太主場) : https://www.instagram.com/humgagouk/

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: