正式申請倒數 – BNO Visa 申請嘅小小提示

廣告

琴日Post咗LOTR溫馨提示後知道引發咗大家一啲討論,係我衰無聽太太講加句呢個LOTR清單係我哋自己用嘅,亦都係一個比較小心駛得萬年船嘅版本(係,我哋係比較保守,不過我哋認為帶多咗嘢無人會唔受理你申請,但帶少咗嘢就唔知點補鑊喇!),放出嚟只係俾大家參考下,因為當時處理我哋個Case嘅職員係有拎晒我哋提及呢啲文件去影印,當中有啲文件例如IELTS成績其實LOTR係無要求到嘅,申請永久居留時先需要(後面會有詳談),不過如果有由初期留意開我哋嘅朋友應該都會知道我哋年頭係有申請過其他類型嘅Visa,所以我哋一家當時已經考晒IELTS,而大家依家其實係去移民,根本所有重要嘅個人文件都係應該要跟身,我覺得點都係帶多咗文件人哋話唔需要好過去到先發覺有嘢帶漏,或者寄咗倉,因為你係喺攞行李前申請LOTR咖!

廣告

今日想提一提下有關BNO Visa嘅申請,有關嘅資料其實都係我自己睇英國Home Office相關網站自己總結出嚟希望可以幫到大家,但請記住要自己消化咗再去睇一次原文,始終我只係喺湊仔女嘅餘暇時間打出嚟同大家分享,如果有人覺得我咁係害人嘅話請自行unfollow。

BNO Visa嘅申請喺文件上嘅要求其實最主要都係本護照同埋銀行文件去證明可以財政上足夠喺英國生活六個月,仲有就係上文提及嘅照肺報告。

廣告

要以家庭為單位去申請並需要同時申請,由BNO持有人先行申請並獲分派一個獨一無二嘅參考編號,其他家庭成員於申請時都需要填寫呢個參考編號。

BNO Visa申請費用為每位家庭成員(大小同價) £180 (30個月有效期,即係第31個月時要再申請)或者£250 (五年),如果係希望用最短時間(假設港共唔夠膽剝奪BNO Visa申請人嘅中國(香港)國籍) – 五年去申請永久居留再多一年後申請入籍(俗稱5+1),理論上都應該會申請後者。

廣告

而申請BNO Visa嘅同時亦會被要求繳交Immigration Health Surcharge (俗稱IHS),從而得到National Health Service (NHS)嘅醫療保障,有關嘅收費如下:

成人: £1,560 (30個月) / £3,120 (5年)

十八歲以下小童: £1,175(30個月) / £2,350 (5年)

如果一個四人家庭(兩公婆帶兩個未成年嘅小女),申請五年期嘅BNO Visa時就要預備好繳交呢筆錢:

Visa收費£250 x 4 = £1,000

IHS 收費 £3,120 x 2 + £2,350 x 2 = £10,940

總數 £11,940

廣告

至於大家嘅終極目標 – 成為英國人就需要留意以下呢幾點:

  • 喺英國生活五年後可以提出Settle in the UK 嘅申請(又稱為 “Indefinite leave to remain / ILR”,亦係永久居留),成功得到永久居留資格後十二個月可以申請入籍;
  • 申請永久居留時需要證明:
    • 符合英語要求 (最普遍就係考IELTS,而如果你嘅學士學位係由英語教授,可以透過提交英國大學嘅畢業證書/非英國大學的話就可以透過UK Naric去睇下你嘅學位係咪符合英語要求,咁就唔駛去考IELTS喇,另外如果申請永久居留時已經滿65歲,亦可以豁免英語要求嘅證明);
    • Pass Life in the UK Test (申請時18歲以下 / 65歲或以上可獲豁免);
    • 喺過去五年內任何十二個月以內都從未離開英國超過180天 (記住呢度係抽任何十二個月去睇,並唔係一年年咁去睇,為免影響將來申請永久居留記得要小心計算離開英國嘅日期,另外亦要留意到第六年申請入籍時要求會再嚴格啲,變成申請入籍前嘅12個月唔能夠離開英國超過90日及過去五年合計唔能夠離開英國多於450日);
  • 申請永久居留同入籍都會有相關嘅費用需要繳交。
廣告

有用連結(記住要自行睇清楚入面條文):

BNO Visa: https://www.gov.uk/guidance/hong-kong-british-national-overseas-visa-applications#about-this-visa

BNO in Hong Kong (內有LOTR嘅指引): https://www.gov.uk/guidance/british-nationals-overseas-in-hong-kong

TB Test要求: https://www.gov.uk/government/publications/uk-tuberculosis-test-clinics-for-hong-kong-bno

廣告

再提多次,移民咁大件事,請各位自行消化有關條文,而我所提供嘅只係個人分享,並不構成任何移民建議,亦唔駛問我可否做太空人,你見我咁冚家過晒嚟都知無呢個打算亦唔會咁做,香港份人工吸引定係同家人陪伴仔女長大嘅時間可貴個個人不同請自行衡量。

廣告

#LOTR

#BNOVISA

#三代同堂

#闔家去英國

#HumgagoUK

廣告

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(試業中,太太主場) : https://www.instagram.com/humgagouk/

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: