Home Schooling篇

廣告

3月8號就要返學啦,爸爸媽媽心情真係又驚又喜⋯一方面驚疫情反覆,小朋友唔帶口罩返學始終好大風險;另一方面home school咗咁耐,終於可以再返學,對家長都算鬆一口氣啦緊係。
以下分享一吓home school嘅情況:

廣告
  1. 我哋間學校唔同香港,冇得Live上堂,每日都係upload video, pdf,ppt,等小朋友自己睇⋯ideally ….但實情係佢根本 concentrate唔到,成日遊魂,人哋叫佢pause嚟諗吓佢就永遠唔做,人哋講完要做咩佢又冇聽,所以父母一定要坐喺隔離監督⋯ (其實媽媽都唔怪佢,有啲老師把聲太溫柔,好難集中聽20分鐘)所以變相就係日日一齊學嘢一齊上堂。
  2. 每日都有10分鐘google meet時間,老師會俾大家show & tell, 帶禱,有時講吓故事咁⋯呢個時間都冇得鬆懈,因為我個仔係吹水怪,極多口水,人哋講每句嘢佢都想答嘴,所以又要坐喺佢隔離㩒住佢。
  3. 本來一開始冇乜要求,有pdf有word file,任人點交功課都得。但過咗一個星期左右老師就要求大家要寫字喺紙上面,再影相交,因為驚小朋友太耐唔寫字會咩都唔記得哂。
  4. 原本一直以為英國學校好輕鬆好hea……點知PE, RE, Music, Geography, Science, Math, Reading, Writing, PSHE……日日都好多video要睇,佢哋有時好驚小朋友冇睇,所以就算唔駛交功課好似Music堂咁都會問吓問題等小朋友要答嚟證明有睇⋯…
  5. 我哋之前都有提過我哋個仔唔慣寫字,喺香港做開抄寫功課,所以而家我真係了解咩叫拉牛上樹,日日都要又呃又氹又求佢先完成到功課……
  6. 不過真係非常感謝主嘅係見到小朋友嘅進步。第一日同佢做comprehension,佢話「媽媽,我平時唔洗做架,平時同學做果時老師就俾我用電腦學嘢。」我心真係向下沉一沉,因為個仔唔識睇字,老師可能冇咁多人力物力讀俾佢聽,就唔洗佢做⋯…由第一日開始讀俾佢聽(變咗listening)到最近佢成篇自己讀哂!!媽媽真係好有成就感😭再一次勸告大家,Phonics真係好有用,簡直本世紀最偉大發明!一但學識就(almost)咩都識讀!
  7. 另一個令人鼓舞嘅係,除咗讀字有進步,寫字都好似開咗竅咁。一開始隻隻字都要我串,大細楷都亂寫,完全唔用腦,一寫錯要擦佢又發顛。到而家,佢竟然要求自己答哂啲問題!!有嘢寫錯亦好樂意去改,睇得出佢好有成就感,好想靠自己。
廣告

眨下眼,呢段每日起身擘大眼就陪太子讀書嘅日子就嚟告一段落,雖然當中有無數父母咆哮崩潰嘅時候,但呢段又可能係我哋陪伴係個仔成長過程之中一齊學習嘅最長時間,希望到第時個仔大個諗返呢段Lockdown時期嘅回憶會開心多過唔開心啦,亦希望呢個疫情可以儘快過去回復返正常嘅社交生活,始終小朋友呢個年紀除咗父母嘅陪伴,同朋友嘅關係都好重要。

廣告

#BNOVISA

#三代同堂

#闔家去英國

#HumgagoUK

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: