校園生活延伸 – 同朋友仔去公園

廣告

唔經唔覺終於過咗嚟到英國後第一段冬令時間喇,自從開學後因為朝朝都要早起,晚晚都會逼自己12點鐘上床瞓,係星期五六晚可以放肆返啲(特別要感恩有公公婆婆幫忙湊住兩個孫等我哋可以補眠瞓到自然醒),星期六晚同老婆喺床上碌碌下電話佢忽然話:『嘩,乜成2點喇!?』我:『係喎,轉咗夏令時間喇。』

好彩嘅係而家好多智能產品都會自動跳時間,唔駛自己手動改,唔係都幾容易出錯咖。好似我星期一約咗個Interview,都會特別提我係BST (British Summer Time),唔再係GMT喇。

廣告

而英國完結冬令時間就係喺三月最後一個星期日嘅00:59之後直接跳去2點……直至到十月最後嘅星期日之前英國同香港嘅時差都會由8個鐘變返做7個鐘。夏令時間下,而家就會變成大概朝早6點半日出,夜晚7點半左右日落,大家呢段時間嚟英國嘅話啲時間會比起冬天見使好多。

廣告

今日好開心同個仔嘅同校香港小朋友(唔同級)一家去咗附近公園玩,佢哋都係HongKonger 同我哋一家差唔多時間嚟到英國,由啱啱識已經講話要約出嚟一齊玩下,今日終於有機會,見到個仔嚟到英國成半年,第一次同差唔多年紀嘅香港小朋友喺英國嘅公園度玩,兩個平時最多喺Canteen見面打招呼,放學時如果撞到又打下招呼,但出到嚟玩兩個即刻一見如故攬頭攬頸玩到癲晒,通山跑,喺陰天下兩對父母一面食風,一面感慨個仔由喺香港最後嗰年無乜機會返幼稚園同香港啲朋友玩,好開心喺經歷完英國嘅Lockdown 後終於可以見到佢哋無拘無束咁喺英國嘅大草地上面奔跑放電。

廣告

我哋相識(相認?)嘅經過都幾得意,想喺度同大家分享下:

話說嗰時個仔返咗學一段時間,有日就開始留意到多咗對香港人面孔(刷身而過時聽到廣東話)送仔返學,但因為武肺疫情要保持個社交距離,大家都經唔同嘅校門返學放學,而我哋兩個都係要揸車接送,好多時都係急急腳泊低部車就送個仔入學校再急急腳揸車走怕阻到人,所以最多都係眼神接觸,未有機會打到招呼。

廣告

跟住有一日我呢個Page嘅PM度就忽然收到有人問我小朋友係咪讀XXXX學校,初初都嚇一跳以為有人起咗我底,但睇返Sender係用真人Account (好多時有惡意嘅訊息都係嚟自啲假Account),再望下個Profile就認得正正係接送去學校時見到嘅呢對香港人夫婦喇,之後就好開心相認,大家連住嘅地方都好接近(佢哋住嗰度我哋初初都有考慮過咖),就係咁埋下咗今日俾兩個小朋友一齊去公園玩嘅種子,亦希望如果大家都繼續喺呢區住落去、呢間學校讀落去,呢兩個差一級但原來只差幾個月嘅小朋友可以成為好朋友一齊喺英國互相照顧一齊成長。

廣告

面對住香港種種嘅荒謬,好多父母都鼓起勇氣同仔女嚟到英國希望佢哋可以喺一個自由嘅社會成長,嚟咗英國/將會嚟英國嘅各位都可以預期身邊會出現越嚟越多香港人面孔,喺High Street度聽到廣東話嘅機會會越嚟越多,希望大家都可以放低往年(感謝黨感謝武肺,相信最近去過日本嘅大家都起碼係一年前了)去日本喺心齋橋聽到廣東話時嗰種敵視嘅心態,多啲親切啲嘅笑容(而家好多時戴住口罩唔得住),必要時伸出援手。初初到英國嘅摸索階段,大家其實都係類似背景、類似理念,行緊類似嘅路,可能一句說話、幾句建議可以幫到對方行少啲冤枉路,呢條亦都係2019年6月開始大家一齊行緊嘅路走出嚟嘅支線,香港人一定可以喺英國團結咁行出一條容納到三萬人、三十萬人、甚至三百萬人嘅路。

廣告

#LOTR

#BNOVISA

#三代同堂

#闔家去英國

#HumgagoUK

廣告

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(試業中,太太主場) : https://www.instagram.com/humgagouk/

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: