突發!同鄰居巡邏篇

廣告

話說琴晚忽然收到格籬屋I先生Message話有嘢要搵我哋Discuss,再Send咗段片俾我哋,原來I先生前一晚10-11點揸車出去入油時經過我哋花園後條馬路,見到有個疑似女人(但又話可能係男人)嘅可疑人物喺我哋個花園後鬼鬼祟祟咁企咗係度2個鐘,我哋就醒起之前有日晏晝都發覺有個人影喺草叢後企咗好耐,當時我哋都不以為然,但而家諗返又覺得可能係同一人。

廣告

事緣I先生最近請咗假同搵咗佢細佬返嚟幫手將成個花園舖過晒,佢話有日做緊嘢時都見到有人舉高個電話拍佢哋,佢即刻問佢做乜同跑出去但個人已經唔知去咗邊。

廣告

至於點解I先生忽然覺得事態嚴重到要搵我哋傾就因為係早上喺花園發現有人掉咗個玻璃樽入嚟,就喺原本佢細佬泊咗架車個位(係,佢花園好L大)度爆到成地係玻璃碎,不幸中之大幸係佢細佬前一晚已經走咗,而當時花園都無人喺度。

發現某國人嘅心一地係
廣告

原來我哋搬入嚟之前上手業主同佢都試過有人扔玻璃樽同雞蛋入嚟花園,佢哋以為係醉酒佬/啲街童玩嘢,都係報咗警備咗案就不了了之,而佢有裝Cam但因為都係影返自己花園內,所以都見唔到外圍係乜人掉入嚟。

廣告

我同岳父聽到之後都決定即刻同佢出去附近行下巡邏下有冇疑似佢拍片影到嘅人,因為佢係揸車時拍,右手軚左手電話咁影同埋已經入黑,所以條片都幾鬆郁濛下,只睇到大概身形。

廣告

另外I先生都發覺喺馬路同我哋花園中間嘅草叢最近俾人剪到禿咗一忽,係可以清楚望到晒我哋兩間屋嘅花園同埋屋內,好明顯係有心想清楚啲睇到我哋花園同埋屋內情況,所有佢覺得個事態嚴重程度係要一再見到個人企喺度要馬上打999講有人身危險叫警察嚟(佢話打101係non-emergency,通常都係Hea鳩你)。

廣告

喺我哋散步巡邏期間I先生都有問下我哋適應成點,佢亦都有留意反送中嘅新聞,知道how bad the police did to the protestors,知道黎智英先生入獄嘅消息,都有問我哋而家香港最新嘅情況係點,問我哋會唔會有機會返香港,為我哋面對嘅情況感到惋惜,不過相信我哋適應得好好,最重要係一家可以喺一個自由嘅環境下生活。

廣告

至於目標嘅可疑人物,可能因為今日已經行動咗,就未有發現,反而係有位女士(身形同個可疑人士完全唔同)可能見到我哋三個男人戴晒口罩夜媽媽喺條街度盪下盪下當堂覺得好危險咁開咗個電話電筒快步跑走,真係唔係幾好意思……

廣告

行返屋企時I先生都仲話佢一個鐘後會再揸車出去兜下,亦都有約我哋下星期搵日佢收工後(都係在家工作)一齊去搵嘢修補返草叢個窿,起碼無咁容易望到我哋花園同間屋。

廣告

小插曲一,返到屋企時知道又有狐狸入咗佢花園,之前以為係啲欄有窿,佢換過後絕跡咗一排,又出現返,我就走出去花園睇下隻狐狸點入/點走,點知原來佢係敏捷到可以一嘢跳過身旁個欄走……睇到我都呆咗呆……

喺鄰居走入花園想趕狐狸之際睇住佢一鳩跳過個欄走,估唔到狐狸都咁好彈跳力……
廣告

小插曲二,今日中午時份我哋忽然發現有個人頭喺草叢後整緊啲草,當堂全家好緊張,岳父就即刻著件褸衝出去話要揸車去影清楚個人,我就上樓換條褲先Join,岳母就通知鄰居,點知鄰居即刻話係佢岳母喺度試下修補禿咗嘅地方,搞到我哋嚴陣以待,如箭在弦,褲都除埋,結果得啖笑。

廣告

#LOTR

#BNOVISA

#三代同堂

#闔家去英國

#HumgagoUK

廣告

歡迎轉載或Share,請註明出處,如果覺得有用請Like & Comment,有問題亦歡迎inbox發問,但因為太陽出嚟嘅時間好多時要湊細路兼初到埗都好多嘢要做,如果覆得慢請見諒。

Facebook: https://www.facebook.com/HumgagoUK/

Blog(會多啲延伸分享) : https://humgagouk.com/

Instagram(試業中,太太主場) : https://www.instagram.com/humgagouk/

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: